Krekt as ferline wike stean der ek kommende sneon 5 oktober teams fan Aldegea en HJSC tsjin oer elkoar. Ôfrûne sneon pakte Aldegea VR1 yn De Hommerts de folle "buit" tsjin HJSC VR1 (1-3), hooplik kin ús ienige manljus âlvetal dit keuntske ek dwaan tsjin HJSC 2. In pear wike lyn stiene beide teams ek al tsjin oer elkoar, doe foar de beker. Yn de Hommerts waard it 2-2, it team fan Bouwe Meinsma poetste in 2-0 êfterstân yn no time fuort. Ôfrûne sneon gie Aldegea 1 yn harren earste wedstriid fan it seizoen it skip yn by De Jouwer 6 (1-6), wylst HJSC yn in oare derby te sterk wie foar Wâldsein 2 (5-1).
Kommende sneon 5 oktober om 14:30 dus Aldegea 1 - HJSC 2. De froulju fan Aldegea spylje op dat selfde tiidstip de útwedstriid by Balk VR1. It team fan trainer/coach Dave van der Leij hat nei 2 wedstriden noch it folle pûn. Balk wûn en ferlear ien kear.

Oankommende freed 4 oktober spilet it frouljus 7-tal op sportpark It Joo de kompeytsje ronde. Tsjinstanners binne Blauhûs, Warkum en twa teams fan Heech. Oanfang op ús sportpark is 19:30.
Aldegea 45+ reizget foar de twadde ronde ôf nei buorman Heech wylst de 35+ lang om let it spits ôf byt en wol yn Blauhûs. Aldegea 18+1 (it foarmalige twadde) komt yn Sleat yn aksje.

It folsleine programma foar sneon 5 oktober yn Aldegea is sa:
9 oere OHH JO13-1 - Blauw Wit'34 JO13-2JM mei Rinze Veenstra as skiedsrjochter.
9 oere OHH JO8-1JM - SC Bolsward JO8-2 mei Anouk Bok as spulbegeliedster.
10:20 OHH JO19-1 - RVLC JO19-1 mei Frâns Veldmans as skiedsrjochter.
12:10 OHH MO13-1 - SC Joure MO13-1 mei Tsjerk Hoogterp as skiedsrjochter.
14:30 Aldegea 1 - HJSC 2 mei Sjouke Boersma as skiedsrjochter.

????Sjouke Boersma is kommende sneon 5 oktober de skiedsrjochter by de #derby Aldegea 1 - HJSC 2.

????14:30
????#oudhjs pic.twitter.com/fPIsFBTPj0

— v.v. Oudega (@vvoudegaw) October 2, 2024