Wer in hiel erch beheind programma foar kommende sneon 30 novimber yn Aldegea. De lêste sneon fan de moanne dus, en dus wurdt it âld papier wer yn en bûten de beboude kom ophelle. Troch omstandigheden slagge dat foarige moanne net (nochris ús ekskuses derfoar) en dus sille we no wol wat ekstra wurk ha. 

Alle jeugdteams spylje sneon út, foar de sneon der op (7 desimber) is dat wer hiel oars. Dan komme fiif teams op sportpark It Joo yn aksje. Wol stiet der foar kommende tongersdei 28 novimber noch in ynhelwedstriid op ús sportpark op de rol. Om 19:00 is it OHH JO11-2 - LSC 1890 JO11-2 mei Rients de Groot as skiedsrjochter.
Sneon 30 novimber is it om 14 oere Aldegea VR1 - SC Espel VR1. Aldegea is de runner-up fan de ranglist, Espel de nûmer 6 mei 11 punten út 7 wedstriden. Aldegea spile foarige wike yn Eastersee tsjin EBC/Delfstrahuizen VR1 in spektakelstik en luts wûnder boppe wûnder úteinlik oan it langste ein. Yn it lêste kertier fan de wedstriid makke it team fan trainer/coach Dave van der Leij in 3-1 êfterstân ûngedien: 3-5.
Sneon foar de oranjehimden al de lêste thúswedstriid fan 2024, foarôf komme hja noch op de teamfoto. Skiedsrjochter is Jetze Terpstra.

De manlju fan v.v. Aldegea seach foarige wike har wedstriid by De Wâlde ôflast wurden (wurdt ynhelle op sneon 14 desimber) en de wike der foar wie it frij dus it ritme is wer wat fuort. 
Op de slotdei fan novimber spilet it team fan Bouwe Meinsma de útwedstriid by Workum 4 om 13 oere. Warkum is de nûmer 9 mei 7 punten út 7 wedstriden. Aldegea mei 2 út 7 de hikkeslúter. Der is sneon alles oan gelegen om der wat oan te dwaan.

Update tongersdei 28 novimber
De wedstriid OHH JO11-2 - LSC 1890 is op 'e nij ôflast. It is no de bedoeling dat der op tiisdei 3 desimber om 19 oere spile wurdt. Skiedsrjochter bliuwt Rients de Groot.

????Wat in comeback yn Eastersee????????.#ebcoud pic.twitter.com/mci2QIBDIW

— v.v. Oudega (@vvoudegaw) November 23, 2024